Prif Ddogfen

Sy’n rhoi manylion egwyddorion, nodau, strwythur a chefndir datblygiad y cynllun.

Sy’n rhoi manylion sut mae’r CRhT yn ateb gofynion Asesiad Priodol (AA) ac Asesiad Amgylcheddol Strategol (SEA).

Sy’n cyflwyno sail i ddatblygiad y Cynllun, yn taro golwg gyffredinol dros ardal y Cynllun, yn disgrifio cysyniadau polisi cynaliadwy ac yn rhoi dealltwriaeth o’r cymhellion a chyfyngiadau ar fabwysiadu polisïau arbennig.

Dywedwyd yn aml fod cymaint o werth ym mhroses feddwl am ddatblygu’r CRhT ag sydd yn y polisïau eu hunain. Bwriad yr adran hon, felly, yw tywys y darllenydd trwy’r broses hon.

Mae’r CRhT hwn yn cwmpasu dros 1000km o draethlin. Yn Adran 4 caiff sail resymegol ei thrafod ar sut i’w isrannu heb golli gwerth ystyried yr arfordir cyfan. Yr israniad dechreuol yw yn ôl Ardal Arfordirol, y diffiniwyd 7 ohonynt (Ardaloedd Arfordirol A i G). Caiff yr ardaloedd hyn eu hisrannu ymhellach yn Barthau Datblygu Polisi (PDZ). O fewn y parthau hyn caiff yr arfordir ei ddisgrifio ac mae esboniad o sut allai’r arfordir ymddwyn:

1. os na fydd dim gwaith amddiffyn ychwanegol yn cael ei wneud (y senario NAI);
2. os bydd rheoli presennol yn cael barhau i’r dyfodol (y senario WPM).

Diffiniwyd y rhain fel y ddau senario man cychwyn wrth wneud yr adolygiad. Mae ystyried y senarios hyn yn datblygu dealltwriaeth o’r pwysau all ddatblygu ar yr arfordir dan wahanol ddulliau rheoli. Mae’n caniatáu asesu a yw amcanion yn cael eu cyflawni neu beidio, dan bob senario.

O’r asesiad hwn, caiff dulliau trin neu senarios gwahanol eu harchwilio ac, o hyn, cafodd y Cynllun dewisol drafft ei ddatblygu. I gyflawni’r Cynllun hwn caiff polisïau unigol eu llunio ar gyfer rhannau o’r arfordir (Unedau Polisi; PU). Yn olaf caiff yr unedau hyn eu grwpio’n ardaloedd rheoli (Ardaloedd Rheoli; MA), gan dynnu ynghyd unedau polisi sydd â chyd-ddibyniaeth sylfaenol. Ar ôl ymgynghori ar y Cynllun drafft, mae’r polisïau a’r agwedd at reolaeth wedi cael eu datblygu ymhellach ac mae’r Cynllun terfynol yn cael ei drafod yn Adran 4

Ar gyfer pob MA, caiff datganiadau eu paratoi’n cyflwyno crynodeb o’r bwriad, y camau angenrheidiol dros wahanol gyfnodau, ac effeithiau’r polisïau dewisol. Gan ddechrau o saith Ardal Arfordirol wreiddiol gyda chyfanswm o 20 PDZ, diffiniwyd yr arfordir gan 309 PU sy’n cael eu tynnu at ei gilydd fel 62 MA.

PDZ1

PDZ2

PDZ3

PDZ4

PDZ5

PDZ6

PDZ7

PDZ8

PDZ9

PDZ10

PDZ11

PDZ12

PDZ13

PDZ14

PDZ15

PDZ16

PDZ20

PDZ17

PDZ18

PDZ19

Yn dwyn ynghyd y cynllun cyffredinol, gan amlygu materion pwysig mewn perthynas â rheoli'r arfordir yn y dyfodol.

Sy’n rhoi crynodeb o’r polisïau. Rhaid derbyn y bydd llawer o ddarllenwyr yn canolbwyntio ar gasgliadau lleol y CRhT. Fodd bynnag, mae’n bwysig derbyn bod y CRhT yn cael ei gynhyrchu ar gyfer yr arfordir cyfan, gan ystyried materion y tu hwnt i fannau penodol. Felly, dylid darllen y crynodeb hwn yng nghyd-destun y materion a goblygiadau polisi ehangach, fel sy’n cael eu

cyflwyno a’u datblygu yn Adran 4 gyda chefnogaeth gwybodaeth yn yr Atodiadau.

Ar ôl ymgynghori ar y cynllun drafft, mae cynllun gweithredu wedi ei ddatblygu, yn darparu rhaglen ar gyfer gweithgareddau yn y dyfodol sy’n ofynnol i symud y Cynllun ymlaen rhwng hyn a’i adolygiad nesaf ymhen 5 i 10 mlynedd. Bydd crynodeb o’r cynllun gweithredu hwn ar gyfer pob MA yn cael ei gyflwyno yn Adran 4 o fewn y datganiadau MA. Mae hyn yn cael ei ddatblygu’n fanylach yn y cynllun gweithredu ei hun. Caiff y cynllun gweithredu ei ddatblygu fel cronfa ddata fydd yn cael ei defnyddio gan yr amrywiol awdurdodau wrth lywio a chadw golwg ar ddatblygiad y Cynllun.